இன்னும் சில மாநாடுகளோ வியாபார நோக்கத்தில் தங்களுடைய வளர்ச்சிக்காக பயன்படுத்தப்படுகிறது. இது இப்படி இருக்க அரசியல்வாதிகள் அடிக்கடி மாநாடுகள் போடுகிறார்கள் என்றால் அவர்களுடைய அரசியல் வளர்ச்சிக்கும் அவர்களுடைய மிகப்பெரிய ஆளுமைகளை நிலை நிறுத்திக் கொள்வதற்கும் கண்டிப்பாக மாநாடுகள் நடத்தப்பட வேண்டும் என்ற கட்டாயத்தில் இருக்கிறார்கள்.
அதுபோல் சில சமூக அமைப்புகள் போடக்கூடிய கூட்டக்கூடிய மாநாடுகள் ஒரு சில ஆண்டுகளுக்கு ஒரு முறை அந்த சமூகத்தின் ஒற்றுமையை பறைசாற்ற கூட்டப்படுகிறது. மேலும் அந்த சமூகத்துடைய பல்வேறு கோரிக்கைகளை ஆட்சியாளர்களுக்கு வலியுறுத்த கூட்டப்படுகிறது.
ஆனால் சில ஆன்மீக மாநாடுகள் அவர்களுடைய ஆன்மீக அமைப்புகள் உடைய வளர்ச்சிக்கும் அதன் மூலம் தங்களை தங்கள் அமைப்புகளை பிரபலப்படுத்திக் கொண்டு ஆட்சியாளர்களை தங்களுடைய கைவசம் வைத்துக் கொண்டு அதன் மூலம் தங்களுடைய பொருளாதாரத்தை மேம்படுத்திக் கொள்வதற்காக பெருமளவில் ஆன ஆன்மீக மாநாடுகள் இதன் அடிப்படையிலேயே கூட்டப்படுகிறது..
ஆனால் இந்த மேற்கூறிய மாநாடுகளுக்கெல்லாம் சாதாரணமான பொருளாதாரம் செலவிடப்படுவதில்லை ஒரு நாள் கூற்றுக்கு பல கோடிகளை வாரி இறைக்க வேண்டியுள்ளது.
இதை அரசியல்வாதிகள் இலகுவாக செலவழித்து விடுகிறார்கள், சில ஆன்மீக பிழைப்பு நடத்துபவர்களும் இலகுவாக செலவழித்து விடுகிறார்கள் ஏனென்றால் ஆன்மீக தளங்களில் தான் அரசியல்வாதிகளை விட அதிகமான பொருளாதாரம் அவர்களிடம் தங்கிக் கிடக்கிறது. அரசியல்வாதிகளோ தங்களுடைய ஊழல் பணத்தின் மூலம் தங்களை தங்களுடைய வளர்ச்சிகளை நிலை நிறுத்திக் கொள்வது என்பது அனைவரும் அறிந்த கசப்பான உண்மை என்பது போல.
இன்றைக்கு சில ஆன்மீக அமைப்புகள், அதிலும் குறிப்பாக வீண்விரயம் தேவையற்ற ஆடம்பரம், திருமணங்களில் அதிகப்படியான செலவினங்களை தடுப்பது, எளிமையான வாழ்க்கையை கடைபிடிப்பது, எந்த ஒரு நிலையிலும் செலவினங்களிலும் வரம்புமீறாமல் செயல்படுவது, தேவையற்ற செலவினங்களை குறைத்து பொதுப்பணத்தை பாதுகாத்து அதை பயனுள்ள வகையில் ஏழை எளிய மக்களுடைய பொருளாதார மேம்பாட்டிற்காக செலவிட கற்றுக் கொடுத்த பொருளாதார சமூக சீர்திருத்தத்தை முழு உலகிற்கும் 1450 ஆண்டுகளுக்கு முன்னால் நிலைநாட்டிவிட்டு சென்ற ஆட்சியாளர் முஹம்மது நபி ( ஸல் ) அவர்களுடைய வழியை பின்பற்றுகிறோம் நாங்கள் என்று சொல்லக்கூடிய ஆன்மீக அமைப்புகளே! இது போன்ற மாநாடுகளை அடிக்கடி நடத்தி பல கோடிகளை வீண்விரயம் செய்து அரசியல்வாதிகளை எல்லாம் மிஞ்சி அவர்களுடைய வீண் விரயத்தை எல்லாம் தூக்கி சாப்பிடும் அளவுக்கு சமூக வளர்ச்சிக்காக பயன்படுத்தப்படும் பொருளாதாரத்தை கட்டவுட் களுக்கும் பேனர்களுக்கும் பிளக்ஸ் போர்டுகளுக்கும் மாநாடுகள் நடத்துவதற்கும் பல கோடிகளை நாசமாக்க கூடிய சூழலை கண்கூடாக பார்க்கும் பொழுது எளிமையின் பெயரால் இஸ்லாத்தை சொல்லும் முகமது நபியின் மார்க்கத்தில் இப்படிப்பட்ட வழிகேடுகள் இஸ்லாத்தின் பார்வையில் ஏற்புடையது தானா...
முகமது நபி ஆட்சி காலத்தில் இஸ்லாத்தை வளர்ப்பதற்காக எத்தனை மாநாடுகள் முகமது நபி நடத்தினார்கள்.... உலக முஸ்லிம்கள் ஒன்று கூடுவதற்காக ஹஜ் என்ற கடமையைத் தவிர வேறு எந்த மாநாட்டையும் முகமது நபி நடத்தவில்லை. நீங்கள் நடத்தும் மாநாட்டின்
இந்தப் பொருளாதாரங்களை எத்தனை ஏழை எளிய பாட்டாளி மக்களுடைய வளர்ச்சிக்கு, அல்லது தீராத நோயிலும் கடன் தொல்லையிலும் தத்தளிக்கும் மக்களுடைய நிவாரணத்திற்கு, அல்லது பயனுள்ள நிலையான தர்மத்தை வலியுறுத்தும் கல்விக் கூடங்களை உருவாக்குவதற்கு இந்தப் பொருளாதாரங்களை செலவிட்டிருந்தால் இந்நேரம் இந்த சமூகம் மிகப்பெரிய வளர்ச்சியை கண்டிருக்க முடியும்,
தொடர்ந்து அரசியல்வாதிகளால் திட்டமிட்டு வஞ்சிக்கப்படும் ஒரு சமூகம் இருக்கிறது என்றால் அது இஸ்லாமிய சமூகம் மட்டும்தான் சமூக முன்னேற்றத்திற்காகவும் கல்வி பொருளாதார வளர்ச்சி முன்னேற்றத்திற்காகவும் அரசியல்வாதிகளிடம் இட ஒதுக்கீடை எதிர்பார்த்து காத்திருக்கும் இந்த சமூகம் அவர்களுடைய சொந்த முயற்சியிலேயே இதுபோன்று வீண்விரயம் செய்யப்படும் பல கோடிகளை கொண்டு கல்விக் கூடங்களை உதயமாக்கி இருந்தால் அதை சமூகத்தின் புது சொத்தாக ஆக்கி இருந்தால் ஏழை எளிய பாட்டாளி மக்கள் இன்றைக்கு சமூகத்தில் முன்னோக்கி சென்றிருப்பார்கள்.
ஆனால் மாநாடுகள் என்ற போர்வையில் தங்கள் அமைப்புகளை பலப்படுத்திக் கொள்கிறோம் என்ற பெயரில் ஒரு நாள் நிகழ்ச்சிக்காக பல கோடிகளை வீண்விரயம் செய்யும் இந்த இஸ்லாமிய அமைப்புகளைப் பற்றி நீங்கள் என்ன நினைக்கிறீர்கள்... இவர்களுடைய வளர்ச்சிக்காக இந்த சமூகத்தின் பொருளாதாரம் இப்படி வீணடிக்கப்படுவது சரிதானா சிந்திப்பீர்.....
தொடர்ந்து இந்த சமூகத்துடைய இன அழிப்பிற்காக பல்வேறு சதிகளை எதிரிகள் செய்து கொண்டிருக்கும் நிலையில் இந்த சமூகத்திற்கு எதிராக பின்னப்படும் பல்வேறு சதி வேலை முஸ்லிம்களுக்கு எதிரான ஊடக திரைத்துறை பயங்கரவாதம் மிக முக்கிய பங்கு வகிக்கிறது, நமக்கான ஒரு பொது ஊடகத்தை உருவாக்க வீணடிக்கப்படும் இந்த கோடிகளால் உருவாக்க முடியாதா?
By" மக்கள்தொண்டன் faiz" thondi
